أمي تسلم عليكم وتقول: عندكم طماط !!

حين يطرق باب بيتكم ... ليقول لك ولد الجيران

امى تسلم عليكم وتقول عندكم .... طماط....!!

تبتسم من قلب....

وتقول له عندنا ... ولو ماعندنا زرعنا لكم بحوش بيتنا..

منذ متى لم يطرق بابكم احد الجيران لطلب

طماط او بصل او خبز... !!!

ربما يقال اننا بخير ونعمة ولم يعد الطلب من الجيران

له ضروره ... ولكن لا اعتقد

فقدنا الطلبات الصغيرة بين الجيران

فقدنا طعم الجيرة ...

كان الجار يطلب من جاره بصل

وبعدها يرسل له قليل من الطبخة

عيش وملح

الان تعد الطلبات بين الجيران عيب وقلة ذووق ... !!

وقد تستغرب ان يطرق جارك بيتك بدون موعد واذن مسبق واتصال

وقد يتهم الجار بالجنون حين يطلب طماط

زمان..... لم تكن الحالة الاقتصادية مثل الآن!!

اليوم فواتير وديون واقساط واسعار مواد غذائية عالية

وعيب نطلب وندق باب الجيران...

زمان حياة بسيطة وقلوب ابسط ,,,

وجملة .... امى تسلم عليكم وتقول عندكم بصل

عبارة جميلة

بجمال البساطة

وجمال المحبة

وجمال روح الجيران الواحدة

كنا بيت واحد

وطبخة وحدة

الاسر قديما تشعر بمدى حاجة جارها

وترسل له من غير طلب

واذا راعى البيت تقضى لبيته ماينسى جيرانه ...

واذا بقى شي من العشاء... يرسل للجيران

واليوم يزعل الجار من بقايا العشاء باعتبارها فضله....

ليست المسألة بمجرد الطلب..

وليست عبارة امى تسلم عليكم وتقول عندكم طماط هى المحك

لا ....

ولكن العلاقة نفسها فقدت طعمها

فقدت دفئها

فقدت الجيره

لم تعد الحياة لها طعم بعد الاستغناء عن بصل وطماط وخبز الجيران

وحين نعطى الصغير طلبه ... نتنتظر عودته بطبق من عشاءهم ...

هل تعود تلك الأيام... رغم أني لم أعشها حقيقة..

حياة بدون قيود..
ليست حياة مملة ..ورسميات قاتلة

في زمن لم يعد الجار يعرف جاره

وأمي تسلم عليكم وتقول ...

ألا ليت الزمان يعودُ يوماً .. لأخبره ما فعلت التكنلوجيا

.

.
.

الله الله زمان اول
والله اذكر امي تكزن تقولي رح جب من الجيران طمام ولا توصيلة فيش ولا عصا مكنسة ولا ولا ولا
وهم يجون نفس الحكاية

ونلعب مليحق مع الجيران وفله

بس خلاص ماعاد فيه جيران الحين مثل اول

ماسمعتو الشاعر وش قال

الا ياليت الزمن يرجع
وراود لليالي تدور
زمان اول احسنه
زمان فيه صدق شعور

تقبلي مرووري

ااااه يازمان اول وينك والله انك صادقه

المشكله فينا مو في الزمن وحريم اول مامعهم شهادات جامعيه لكن خرجو جيل صح

وسلمي لي على امك وقوليلها التكنلوجيا نعمه لكن ماأحسنا استخدامها ولو تلاحضون وسائل الاتصال متنوعه لكن مافيه احد يسأل عن احد

واذا فيه اجتماع في زمن اول تلقى الا م تاخذ اطفالهاالاربع اوالخمس وكلهم صغار عشان يسلمون على عمتهم وخالتهم اما الحين تروح لحالها وتخلي اطفالها عند الخادمه

وزمان اول تلقى الزواجات الكل يحضر بما فيهم الاطفال الحين الطفل يتزوج عمه وخاله مايدري لاننا نتمنى لاطفالنا نوما هائا’’

في جعبتي الكثييير لكن اترك المجال لغييييري

مشكوووره انسياب على هذا الموضوووع الروعه .. ولاتحرمينا من جديدك

مشكوررررره إنسياب موضوع اكثر من روووعه ودرر ننتظرها بشغف....
والجار حقه عظيم حثنا عليه النبي صلى الله عليه وسلم ...
والحين البقاله وكلشن يوصل حلت محل الجار اي شي تحتاجينه توصله عند بابك ((منول البقالات ماتوصل ومب كل شي متوفر به))يعني نظطر نروح نطلب الجيران ومافي حواجز بيننا تمنع..
بنظري التكنلوجيا ماله دخل......و شوي صارت الناس مشغوله بالدنيا ومتعلقين به اكثر وإهتماماتهم صارت كله للدنيا وصارت فيه تعالي وتفاخر بينهم (طبعا الغالب مب الكل) ..
ولو طبقنا حديث رسولنا الكريم اللهم صلي وسلم عليه وصيته للجار وعن التعامل الصحيح والتواضع وإحتسبنا الأجر فيه للآخره ماكان بيننا هالشي...
تقبلي مروري

يعطيكم العافية على مروركم وردودكم الأحلى ..

ولد الهاص ..
ليمانا ..
شوق الجنان ..

<< حياكم الله ..

» السلام عليكم
» رمضان عليكم مبارك
» السلام عليكم ورحمة الله وبركاته
» سااالفه وغصب عليكم رااح تصدقووون؟؟؟